Mei Liadabuach - Liab weniga nix

Das ist die Seite von Gustav Freudmann / Mei Liadabuach

Liab weniga nix - grenznlos

(Love Minus Zero-No Limit/Bob Dylan)

Mei Liabsde redt wia de Schdülle.
Ka Ideal, ka Gwoidt brauchds ned eis Hülle.
Und sie brauchd ned sogn, doss drei is,
weus no echd is, wia Feia und Eis.
De Leidt kumman dahea mid Rosn,
dan ois vaschbrechn, wos eana grod eifoid.
Mei Liabsde lochd, weu des ois lossds voi koid.
So mochsd kan Schdich bei ia, in kana Weis.

Bei de Dandla und de Busschadsionan
redn d'Leidt vo Siduadsionan,
lesn Nodidsn und leanan Nodadsoinan
und moin wos aussekummd aufd Wänd ibaroi.
Maunche redn, wias wiad kumman.
Mei Liabsde, de redt mid saunfda Zungan.
Sie was, es gibd kan Afoig eis wias Vasogn
und doss Vasogn is Afoig auf kan Foi.

De Mändtl und de Degn dan si schindn.
De Madams dan d'Ladeandln auzindn,
in Aundaucht fia oi de wüdn Reidta.
Sogoa de Schachfiguan ziagn a Gsichd.
De gaundsn Denkmöla, baud aus Höhzln,
dan iwaranaunda zsaummangrochn.
Mei Liabsde zwinkad, des kau ia nix mochn.
Weu sie waas vü zwü, doss schdreidt oda richdt.

Um Midtanocht bebd de Bruckn
und da Laundoadsd muaß ausruckn.
Vo de Benka de Nichdn woin gscheid sei
und woadtn auf des, wos de Weisn liefan o.
Da Wind heud eis wia_r_a Haumma.
De Nochd wahd dahea koide Gschbensda.
Mei Liabsde, de is wia_r_a Vogal vuan Fensdta,
wos mid an brochanan Fliegal sidsd do.